Kreu i PBDNJ-së, Vangjel Dule, mori pjesë sot në ceremoninë e 1-vjetorit të vdekjes së Konstandinos Kacifas.
Dule tha për mediat pas meshës dhe homazheve në varrin e Kacifas, se ka klimë pasigurie në minoritetin grek, ndërsa tha se e vërteta duhet të dalë për familjen dhe komunitetin.
“Ka klimë pasigurie në minoritet. S’kemi ende asnjë relacion për këtë ngjarje tragjike. Kujt i intereson që ngjarja të mos zbardhet? E vërteta duhet të dalë për familjen dhe komunitetin. Të insistojmë të zbardhet e vërteta”, tha Dule nga Bularati.
Mesha e sotme u shoqërua me tensione, pasi pati perplasje me banorët, të cilët nuk lejuan kalimin e mediave shqiptare duke pretenduar se nuk i donte familja e të ndjerit.
Referuar shifrave zyrtare, raportohet se në 24 orët e fundit kanë hyrë në Shqipëri rreth 1900 shtetas grekë. 8 prej të ndaluarve ishin shpallur non grata ndërsa pjesa tjetër nuk kanë justifikuar hyrjen në Shqipëri.
/DRONI.al
