Kadastra e Durrësit vijon të jetë ende në qender të vëmendjes.
Sipas informacioneve të fundit, janë shoqëruar rreth 17 punonjës në polici.
Punonjësit po merren në pyetje për dosje të ndryshme pronash, me të cilat policia dyshon se janë kryer abuzime.
Shoqërimet janë kryer mëngjesin e sotëm dhe pritet që në orët në vijim të ketë informacione zyrtare.
Kujtojmë se ish-drejtori i Kadastrës Durrës Liridon Pula u arrestua pak ditë më parë dhe u lirua nga Gjykata e Apelit më 18 tetor me masën detyrim paraqitje./DRONI.al
