26 vjeçari Marash Arraj, prej dy ditësh është i arrestuar si i dyshuari kryesor për vrasjen e djalit të xhaxhait. I riu dyshohet se është personi që ka qëlluar dy herë me kallashnikov mbi Lazër Arraj, 55 vjeç, në momentin që po kthehej nga fshati i lindjes për në qytetin e Shkodrës.
Sot gjykata vendosu arrest me burg me afat 40 dite per të riun. Ndonëse ai i ka mohuar akuzat drejtuar ndaj tij, prokurria dyshon vetëm tek ai duke qene se ai eshte i vetmi qe ka dijeni mbi ngjarjen.
“Unë kam qenë duke u kthyer me kushëririn, pasi kemi ngarkuar prodhimet e dimrit për t’i nisur drejt Shkodrës. Unë kam kaluar përpara, duke ecur në këmbë drejt shtëpive që kemi në fshatin Palaj dhe e kam lënë mbrapa kushëririn. Pasi kam ikur, janë dëgjuar krismat. Më pas jam kthyer për të parë se çfarë po ndodhte dhe e kam gjetur të vrarë kushëririn. Nuk e kam vrarë unë, nuk kam asnjë lidhje me atë ngjarje dhe nuk e di as se kush mund të jetë autori, sepse nuk kam parë asnjë njeri”, mësohet të ketë thënë 26-vjeçari gjatë marrjes në pyetje në Policinë e Shkodrës.
Panorama shkruan se një prej pistave që Policia e Shkodrës ka rreth kësaj vrasjeje të ndodhur, është një konflikt i ndodhur për disa parcela droge në fshatin Palaj. Muajt e fundit, pas disa aksioneve të Policisë janë asgjësuar rreth 1 mijë rrënjë kanabis sativa.
K.B/DRONI.al
