Kryeministri i Maqedonisë së Veriut e ka shprehur qartë se fati i qeverisë së tij varet nga hapja e negociatave, pergjigje te cilën ai do ta marrë brenda 2 ditëve.
Ky është qëndrim komplet i kundërt me atë të kryeministrit tonë, i cili dhe pse është jo optimist, sërisht nuk shprehet per fatin e qeverisë pas vendimit të BE.
Zaev në një deklaratë për mediat ka komentuar vendimin e Këshillit të Evropës që pritet të merret në 18 tetor në lidhje me çeljen e negociatave.
“Ne shpresojmë, nuk ka asnjë vend anëtare e BE-së që ka ndonjë vërejtjeje për ne, nuk ka arsye, problem është ky diskutimi i BE-së për nevojën e reformave që është shumë e rëndësishme andaj edhe pres që reformat mund të fillojnë në BE ndërsa procesi i zgjerimit të filloj me Republikën e Maqedonisë së Veriut, dhe me Shqipërinë, kjo është shumë e rëndësishme që të vazhdohet me impulsin e motivimit ndaj Ballkanit Perëndimorë. Alternativë për ne nuk ka, ne nuk mund të heqim dorë nga BE-ja sepse BE-ja është ardhmëria jonë. Sipas gjitha gjasave do të shkatërrohet qeveria në Republikën e Maqedonisë së Veriut, do të vijë dikush tjetër dhe do ta vazhdoj atë rrugë. Sepse ne pikërisht për anëtarësim në Bashkimin Evropian kemi ndërruar dhe emrin, kemi arritur Marrëveshje me Bullgarinë dhe Greqinë, kemi shënuar përparim në marrëdhëniet me Serbinë, me Shqipërinë, me Kosovën, që janë fqinjët tanë”, deklaroi për Tanjug, kryeministri Zoran Zaev.
Kryeministri Zaev i cili është nisur drejt Brukselit së bashku me kryeministrin Rama, ku nga ana tjeter kancelarja gjermane Merkel do të takohet me presidentin francez Macron, i cili kundërshton fort hapjen e negociatave me Shqipërinë.
Shqiperia mbetet në duart e Merkelit, e cila thuhet se do të lobojē fort ndonëse marrja e një përgjigje pozitive është e vështirë.
K.B/DRONI.al
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
