Policia e Shtetit ka vijuar me operacionet e koduara, kur këtë herë, një i fundit i policisë së Peqinit i koduar “Progër” ka goditur një rast të shitjes së lëndëve narkotike duke vënë në pranga katër persona dhe duke shpallur në kërkim një tjetër.
Polica njofton se mbi bazën e informacionit të marrë në rrugë operative, uniformat blu bënë kurorëzimin e operacionit duke vënë në pranga V.A., 25 vjeç, A.A., 19 vjeç, I.A., 22 vjeç, S.S., 30 vjeç, që të katër me banim në Peqin.
Nga veprimet e para hetimore rezulton se dhe shtetasi M.P., është i përfshirë në këtë veprimtari kriminale, i cili është shpallur në kërkim dhe po punohet për kapjen e tij.
Gjatë operacionit në një banesë të pa banuar policia gjeti dhe sekuestroi rreth 21 kilogramë lëndë narkotike kanabis sativa. Ndërkohë në afërsi të banesës u kapën në flagrancë katër të dyshuarit, të cilët do merrnin lëndën narkotike.
Aktualisht nga ana e policisë po punohet për identifikimin dhe kapjen e personave të tjerë të përfshirë në këtë rast, ndërkohë që për ndjekje të mëtejshme materialet iu referuan Prokurorisë së Elbasanit.
K.B/DRONI.al
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
