Mashtronte qytetarët në agjenci turistike, 32-vjeçarja nga Durrësi ishte shpallur në kërkim, si u kap nga policia

Një 32-vjeçare ka rënë në prangat e policisë, pasi ishte shpallur në kërkim për mashtrim.

Burime zyrtare nga policia e Durrësit thanë se shtetasja me inicialet E.B., akuzohet se ka mashtruar dy persona, duke u shitur bileta të falsifikuara të një agjencie turistike.

Të njëjtat burime sqaruan se pas informacioneve te siguruara në rrugë operative, në lagjen nr 6 në Durrës u bë e mundur ndalimi i 32-vjeçares.

Materialet i kaluan Prokurorisë Pranë Gjykatës së Shkallës së Parë Durrës, për veprime të mëtejshme.

/DRONI.al/