Policia në Orangetown, Nju Jork janë duke hetuar një përplasje makine që mori jetën e një 18-vjeçari, nxënës në shkollën e mesme ‘Pearl River’.
Nuk dihet ende për momentin gjendja e dy udhëtarëve të tjerë në makinë. I riu që ka humbur jetën ka qenë shqiptaro-amerikani Altin Nezaj. Emri i të ndjerit u bë i njohur për publikun nga një mesazh i shkollës ku mësonte.
Altini ishte edhe anëtar i ekipit të futbollit të shkollës që do të mbajë sonte zi, duke ndezur qirinj në kujtim të tij.
Sipas të dhënave të para, makina ka rënë nga një mbikalim shumë i lartë, në Route 304, dhe ka rënë përmbys mbi shinat e trenit, poshtë ku ka marrë flakë, në komunën e njohur si Pearl River. /Illyria
