Pas përfundimit të protestës në zonën e “Unazës së Re” në kryeqytet, policia ka nisur reprezaljen. Efektivët kanë shoqëruar disa banorë si dhe ish-deputetin demokrat në mbështetje të tyre, Klevis Balliu.
Ndalimet janë bërë në rrugicat e rrugës kryesore ku u zhvillua protesta. “Shijak Tv” ka publikuar pamjet e ndalimit të Balliut.
Gjatë protestës së sotme, ishte i pranishëm edhe lideri demokrat Lulzim Basha, i cili tha se arrestet ndaj banorëve të kësaj zone janë politike, dhe se opozita mbështet kauzën e tyre.
Kjo nuk është hera e parë që policia ka arrestuar ish-deputetin e djathtë, vetëm pse ka dalë në mbështetje të qytetarëve të Unazës.
Banorë të “Unazës” dhe përfaqësuesit e opozitës kanë shkuar ndërkaq tek Drejtoria e Policisë së Tiranës, ku po mbajnë të ndaluar Balliun dhe disa protestës të tjerë.
Ndërkohë banorët shprehën qëndresën se nuk do të bien pre e provokimeve të qeverisë dhe do të vijojnë të përshkallëzojnë protestën deri në grevë uri me qëllim mbrojtjen e shtëpive.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
