Mbahet sot ndeshja Turqi-Shqipëri, nje ndeshje e cila Kombëtares tonë i duhet patjetër ta fitojë, per te siguruar vazhdimësinë në Euro 2020.
Ndeshja luhet në Turqi dhe eshte e padiskutueshme që do të ketë pjesëmarrje të madhe të tifozëve shqiptarë, të cilët duhet me patjeter te njihe me rregullat e stadiumit. Turqia ka vendosur të mos lejojë disa prej mjeteve dhe simbolikave që mund të provokojnë ndonjë situatë të pakëndshem.
Përmes një deklarate në faqen zyrtare në ‘Facebook’, Federata Shqiptare e Futbollit ka sqaruar të gjithë tifozët ‘kuqezi’ për sa i përket materialeve që janë apo nuk janë të lejueshme në stadiumin e Turqisë.
“Federata Shqiptare e Futbollit dëshiron të njoftojë opinionin publik dhe të gjithë tifozët shqiptarë që do të jenë në stadium mbrëmjen e sotme për ndeshjen Turqi-Shqipëri, se përtej gjithë insistimit dhe kërkesave të vazhdueshme ndaj zyrtarëve të ndeshjes, një pjesë e materialeve të tifozëve nuk mund të lejohen në stadium. Turqia ka një ligj sportiv që nuk lejon vendosjen e shumë materialeve në stadium.
Kemi marrë konfirmimin se do të lejohen daullet për çdo grupim, flamurët shqiptar dhe shallet me logon e flamurit Kombëtar. Nuk lejohet asnjë megafon, baner ultrasësh i çdo tifogrupi, baner me imazhe personale, veshje që nuk kanë lidhje direkte me flamurin kuqezi siç mund të jenë ato me imazhin Autochtonus.
Nuk lejohen çantat e krahut dhe të shpinës, të gjithë duhet ti lënë në hotel ose në autobusat më të cilat udhëtojnë, pasi nuk është mundësuar një pike grumbullimi për ruajtjen e tyre. Lajmërojmë tifogrupet e organizuara se nisja për në stadium do të bëhet në orën 18:00, për arsye të kontrollit të rreptë që do të ushtrohet në 3 pikat e kontrollit përpara hyrjes në stadium. Brenda stadiumit do të gjeni pika shitje për freskuese dhe ushqime të shpejta”.
Duke ju falenderuar për mbështetjen e pakufishme që jepni gjithmonë ekipit Kombëtar shqiptar, shpresojmë në mirëkuptimin tuaj dhe në mbështetjen tuaj të përhershme”,-thuhet nje njoftimin e Federatës.
