Komisioni i Pavarur i Kualifikimit ka shkarkuar nga detyra prokurorin në Prokurorinë e Gjykatës së Shkallës së Parë në Tiranë, Ndini Tavani, i cili ishte edhe kandidat për SPAK.
Në lidhje me pasurinë, ILDKPKI kishte dorëzuar një raport me konstatimin se deklarimi i prokurorit ishte i saktë dhe në përputhje me ligjin. Por, Komisioni njoftoi në seancën e kësaj së hëne, se kishte kryer një hetim të thelluar për pasurit e subjektit.
Sipas relatores Bekteshi, prokurori deklaron si pasuri një apartament të blerë në vitin 2015 në vlerën e 4.5 milionë lekëve dhe për të cilin ka paguar 3 milionë lekë me burim pagën e tij dhe të bashkëshortes si dhe të kursimet nga puna si avokat para se të fillonte karrierën si prokuror.
Në sitë kanë kaluar edhe të ardhurat e prindërve të prokurorit, si dhe investimi i tij në një banesë, në të cilën është bashkëpronar me ta.
