Një politikane e njohur në Kolumbi ka bere një arratisje spektakolare, e cila ka rrëmbyer vëmendjen e mediave të huaja. Bëhet fjalë për Aida Merlanon, e cila u dënua me burgim për blerje votash.
Ngjarja në fjalë ndodhi të mërkurën, kur Merlano-ja po kryente një kontroll te stomatologu. E burgosura 43-vjeçare ia doli të zbriste nga godina me litar dhe më pas të largohej me një motoçikletë, çka lë të kuptohet se plani ishte i mirëmenduar.
Për kapjen e saj ose dhënien e informacioneve mbi vendndodhjen e të arratisurës është vënë në dispozicion një shpërblim prej 50 milionë pesos.
