Qytetarët e Kosovës me të drejtë vote nesër pritet t’u drejtohen kutive të votimit.Rreth 2 milionë qytetarë të Republikës së Kosovës gëzojnë të drejtën për të votuar nesër, më 6 tetor, dhe për të vendosur se cilët do të jenë përfaqësuesit e tyre në Kuvendin e Kosovës, shkruan gazeta Express.
KQZ ka publikuar në faqen e saj zyrtare adresën e saktë për çdo qytetar se në kë qendra votimi duhet të votojë, të cilat do të hapen ora 07:00 e deri në orën 19:00. Ndërkohë që nga 17 shtatori është i hapur afati për votuesit nga diaspora, ata do të mund të votojnë përmes postës deri më datën 5 tetor.
Dje partitë politike mbyllën zyrtarisht fushatat e tyre elektorale, ndërsa sot është heshtje zgjedhore. Fushata zgjati 10 ditë që nga 25 shtatori, ndërsa kandidatët dhe partitë shpalosën platformat e tyre para elektoratit.bSipas Komisionit Qendror të Zgjedhjeve në Kosovë, në total numri i votueseve është 1,937,868, kurse në garë janë 25 subjekte politike.
Kujtojmë se zgjedhjet e parakohshme në Kosovë erdhën pas dorëheqjes së kryeministrit Ramush Haradinaj, i cili u mor në pyetje nga Gjykata e Hagës në lidhje me krimet e luftës.
