Lideri demokrat Lulzim Basha ka reaguar sërish duke iu kundërpërgjigjur kryeministri Edi Rama, i cili nga foltorja e Kuvendit, e sumoi kryeopozitarin duke e thumbuar me deklarata.
Duke i përsëritur edhe njëherë thirrjen e bërë më herët, “Zbatoni planin e opozitës që është në tryezë, ose hap krahun”, kryedemokrati Basha i është përgjigjur deklaratës së bërë nga kryeministri Rama për Reformën Zgjedhore, dhënë nga foltorja e Kuvendit.
Në një dalje për media, Basha tha se fajtori kryesor për dështimin e radhës të integrimit të Shqipërisë është vetë Edi Rama, i cili sipas tij, nuk merr përgjegjësi për drogën, krimin, blerjen e votave, etj.
Basha thotë se Rama po mashtron sërish dhe se Bashkimi Evropian ka shtuar kushtet për Shqipërinë. Pas deklaratës së kryeministrit në Parlament, i cili tha se negociatat kanë ngecur për shkak të vendeve që janë kundër zgjerimit.
Pjesë nga deklarata e kreut të PD-së, Lulzim Basha:
Dështimet e Ramës po i paguan populli, fermerët, rinia, pensionistët. Jeni ju që po paguani për dështimin spektakolar. Në vend që të hapte vende pune, i shkatërroi.
E futi korrupsionin në çdo qelizë të shtetit, atë që nuk e arriti do t në dy mandate ka ardhur koha të hapë krahun dhe të lejojë një vizion të ri për të nxjerrë vendin nga kriza.
Nuk ka pse të jemi në këtë gjë. Nuk e meritojnë shqiptarët jenë pas Maqedonisë. Nuk e meritojmë të mbetemi mbrapa.
Ne jemi popull punëtor por kemi udhëheqjen e gabuar prej 6 vjetësh.
Përtej llafeve të bukura, batutave dhe fjalimeve boshe të Ramës ne kemi propozuar një plan të qartë që i hap rrugë ndryshimeve, plotësimit të 9 kushteve të Bundestagut, dhënies fund të krizës politike.
Ndaj dua ta përsëris: Plani është mbi tavolinë, të marrë e ta zbatojë, jo për hirin tim apo të PD, për hir të qytetarëve shqiptarë ose të hapë krahun.
Ne me përgjegjësinë maksimale ne e kemi hartuar këtë plan. Koha nuk pret, tani është koha të marrim përgjegjësitë për zgjidhjen e kësaj krize.
https://www.facebook.com/lulzimbasha.al/videos/513067762593489/
