Qeveria ka filluar të sulmojë e të hakmerret ndaj personave më të fortë që rezistojnë deri fund duke mbrojtur jetesisht kauzat per te cilat populli i madh nuk lufton.
I tille ka qene kontributi i aktorit Neritan Liçaj, i cili njihet per mbrojtjen madhështore qe po i ben Teatrit Kombetar. Së fundmi, qarkullojnë informacione se ka lëvizje nga qeveria Rama për shkarkimin e aktorit nga trupa e Teatrit Kombëtar.
Vetë aktori e konfirmoi lajmin në një bisedë në studio televizive, ku tha se ky akt ndaj tij bëhet për shkak të qëndresës prej rreth një viti e gjysmë në mbrojtje të Teatrit dhe ndikimit që ka pasur personalisht në këtë qëndresë.
Pas përhapjes së lajmit sensibilizimi ndaj Liçajt ka qenë mjaft i madh, duke bërë që të reagonin mjaft artistë dhe pjestarë të shoqërisë civile.
Lexoni dy prej tyre qe kemi perzgjedhur:
Julian Deda:
Artisti ne thelb eshte afirmimi i lirise.
Prandaj une jam me Ty, Neritan Liçaj!
“Rilindja style” edhe ne rastin e aktorit Neritan Liçaj.
Ajo qe po ndodh sot me rastin ne fjale eshte thjesht nje veprim tashme i sprovuar dhe i kthyer ne ves nga rilindasit.
Pas nje viti proteste qendrestare per te mbrojtur, jo thjesht godinen por historine e Teatrit Kombetar, vjen dhe padurimi i Kryeministrit per te vepruar mbi ndonjerin qendrestar, qe ta beje shembull per te tjere.
Lajmi i keq eshte per kete kauze eshte: “Neritan Liçajt po i bejne gati letrat per ta shkarkuar nga puna”. E tmerrshme kur e mendon se si nje aktor qe ka mbi 20 vjet qe ushtron profesionin e tij me shume sukses, hiqet nga puna vetem se mendon ndryshe nga nje piktor.
Ne fakt nuk fillon ketu historia. E gjitha fillon me emerimin e drejtorit te ri kamikaz te rilindjes ne krye te Teatrit Kombetar, pikerisht per ta shkaterruar dhe ne fund rrenuar ate institucion. Ky Çapaçul, nen garancine e njerezve te rilindjes nen moton “bej ça te duash se na ke ne” fillon abuzimet ne kete post.
Mirepo ne rrjeten e manualit te hajnise se rilindjes, siç kane rene ish ministra te saj dhe drejtore drejtorish, qe si fillim i jepte siguri ne abuzime deri sa te pasurohen dhe pastaj i leshon prokurorine mbi shpine, kesaj rradhe ka rene drejtori kamikaz i Teatrit Kombetar.
Nje dite ne zyren e tij u shfaq auditi dhe pas nje kontrolli krejt normal, gjeti aq abuzime me detyren, sa mjafton per ta kapur prej testikujsh kete tipin dhe per ta detyruar tu bindet edhe me verberisht shefave. Jo se nuk e ka bere deri tani, por kesaj rradhe eshte i detyruar te behet ure per te mos shkuar prapa hekurave.
Kerkesa e rradhes per drejtorin kamikaz eshte te filloje te beje gati letrat per shkarkimin e aktorit Neritan Liçaj. Ai mbase edhe mund te jete kunder ketij vendimi por ka vetem dy rruge, ose burgun ose Nerin. Kjo nuk e shfajson por e ben bashkepunetore ne krim, te cilin as aktoret, as spektatoret nuk kane per t’ja falur kurre.
Deri ketu ka vajtur perversiteti shteteror, qe nuk pyet me per asgje, as per profesionistet, as per familjaret, per askend. Tani kerkojne t’i heqin buken e gojes Neritan Liçajt, per te trembur çdo njerin qe mendon si Neri.
Regjimi eshte ne kulmin e veprimit te tij shtazor. Ndaj nje regjimimi te tille ke vetem dy rruge, ose te behesh bashkepunetore me te, ose ta luftosh si revolucionar. Zgjidhni e merrni, por kujdes historine.
Reagimi i Aleancës për Mbrojtjen e Teatrit:
Të nderuar mbështetës të palodhur të kauzës për mbrojtjen e Teatrit dhe Aleancës si lëvizje!
Kemi të gjitha sinjalet që aktorit, aktivistit, qëndrestarit mes nesh, Neritan Liçaj, po i qepin letrat për ta hequr nga puna.
Informacionet janë që kjo vjen me urdhër nga lart, duke përdorur makinacionet e kalbura të administratës së drobitur, dhe për ta realizuar si akt pa dalë direkt në skenë autorët e vërtetë.
Jemi të tronditur nga ky zhvillim dhe sigurisht që miku dhe aktivisti Liçaj i ka të gjitha hapësirat për ta ndjekur juridikisht, po për ne si Aleancë kjo nuk është thjesht çështje e Neritanit, për ne kjo është një nga etapat e një mësymjeje të pashembullt që Kryeministri Rama ka filluar ndaj komunitetit të artistëve, kulturës në tërësi, dhe një nga etapat e një beteje shumë të gjatë, të cilën si gjithë të tjerat, pushteti do ta humbë.
Kauza për mbrojtjen e Teatrit është kauza për mbrojtjen e publikes, e komunitetit të artistëve, është kauza e Neritanit, është kauza e çdo qytetari të lirë…për ne nuk ka asnjë dallim.
Ne do ta mbrojmë deri në fund!
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
