Një studim i kryer në universitetin e Floridës, tregon se femrat të cilat kanë një partner relativisht më pak tërheqës sesa vetja e tyre, janë më të qeta dhe më të lumtura se ato të cilat kanë në krah një partner mjaft tërheqës, apo më tërheqës se ato vetë.
Doktoresha Tania Reynolds dhe profesori i psikologjisë Andrea Meltzer kanë kryer një eksperiment me 113 çifte në të 20-tat e tyre. Çiftet ishin të tëra të sapo lidhura, dhe atyre i’u është dhënë një pyetësor për të plotësuar për njëri tjetrin dhe veten e tyre. Më pas ata vlerësuan çdo pjesëmarrës sipas bukurisë fizike të tyre.
Gratë partneri i të cilave ishte më tërheqës se ato, kishin tendencën të kishin dhe një regjim ushqimor më të dobët, ato thonin se ndiheshin në faj pasi hanin bukë, se donin të dobësoheshin me patjetër, dhe se nuk i pëlqente pamja e tyre e jashtme.
Nga ana tjetër, gratë që ishin më tërheqëse se partneri i tyre, nuk dukej se kishin ndonjë problem me ushqimin apo frikën se mos shtonin ndonjë kile.
Ekspertët e lidhjeve na rikujtojnë se nëse ju jeni më tërheqës se partneri apo partnerja juaj, atëherë ju duhet ti kujtoni ata dita ditës se dhe ata janë shumë të bukur, dhe se i doni shumë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
