Incidenti i të dielës me ndeshjen e derbit kryeqytetas sigurisht që është e shëmtuar, ku tifozet e dy skuadrave te medha, e kthyen stadiumin në një “fushë beteje”.
Edhe pse policia mori masat ndaj personave që nxitën përplasjet e mëdha, një përgjegjësi e kane dhe drejtuesit e stadiumit.
Përgjegjësia është e madhe mbi të gjitha për klubin organizator, Tiranës, çka ka bërë që stafi drejtues i klubit bardheblu të mblidhet për të kuptuar se çfarë ndodhi.
Mediat kane mesuar nga burime të sigurta se drejtori i stadiumit “Selman Stërmasi”, Ksenofon Haskoçela është pezulluar deri në zbardhjen e plotë të ngjarjes.
Gjithashtu është pushuar nga puna dhe një roje e stadiumit. Vetë drejtori i stadiumit në një intervistë për “Panorama Sport” nuk ka pranuar një vendim të tillë por ka saktësuar se ka bërë mirë punën e tij, me korrektësi maksimale. Haskoçela shtoi ndër të tjera në intervistën e tij për “Panorama Sport” se për gjithçka ka parë përpara nisjes së derbit ka njoftuar personat përkatës, ata që kanë përgjegjësi direkte mbi sigurinë në stadium.
