Një 24-vjeçar është shoqëruar nga policia në Pogradec, pasi u kap në shkelje, duke trafikuar emigrantë të paligjshëm. Arrestimi i tij erdhi pas operacionit të koduar “Memëlishti”.
E. D., 26 vjeç, banues në Tiranë, po transportonte 24 shtetas të huaj, me qëllim kalimin e paligjshëm të kufirit kundrejt fitimit.
Shtetasi i mësipëm u kap nga patrulla e Policisë Rrugore dhe shërbimet e Komisariatit të Policisë Pogradec pranë vendit të quajtur “Guri i Kuq”, në fshatin Memëlisht, duke transportuar me mjetin tip furgon, në drejtim të qytetit të Tiranës, 24 shtetas të huaj.
Nga ana e Policisë, po punohet për vënien përpara përgjegjësisë ligjore edhe për bashkëpunëtorë të tjerë, të dyshuar si të implikuar në këtë ngjarje.
Materialet i kaluan Prokurorisë pranë Gjykatës së Shkallës së Parë Pogradec për veprën penale “Ndihma për kalim të paligjshëm të kufijve”.
