Këshilli i Lartë i Prokurorisë do të duhej të miratonte sot listën me kandidatët, që kalojnë fazën e parë të përzgjedhjes për Prokuror të Përgjithshëm.
Por, burimet thonë se mbledhja e parashikuar të mbahej sot në orën 12:00 është shtyrë për të mërkurën në orën 10:00.
“Vendimi u mori pas në KLP nuk ka mbërritur ende zyrtarisht letra e Komisionerit Publik për ankimimin ose mos ankimimit e vendimit të KPK së datës 4 Shtator 2019 për kandidatin për pozicionin e Prokurorit të Përgjithshëm, Olsi Çelaj,”-raporton KLP.
Në garë për këtë post janë Arta Marku, Olsian Çela, Fatjona Memçaj dhe Lulzim Allushaj, ndërsa Vetingu për këtë të fundit është kryer nga vetë KLP.
Njoftimi i KLP-së:
Për shkak se deri në momentin e zhvillimit të mbledhjes plenare të KLP e parashikuar për sot në orën 12.00 nuk ka mbëritur zyrtarisht letra e Komisionerit Publik për ankimimin ose mos ankimimit e vendimit të KPK së datës 4 Shtator 2019 për kandidatin për pozicionin e Prokurorit të Përgjithshëm, z. Olsi Çela, mbledhja e Këshillit shtyhet për ditën e mërkurë në orën 10.00.
Ju falenderoj për mirëkuptimin!
