I pyetur në lidhje me akuzat e opozitës se ish-ministri ka në dorë të dhëna që mund të kërcënojë mazhorancën, Saimir Tahiri u përgjigj se kjo nuk është e vërtetë
“Është fyese të mendoni që kërcënokam njerëzit me materiale. Unë në 4 vjet kam bërë detyrën dhe nuk hyj tek njerëzit që mbaj letra në xhep për të kërcënuar këdo. Është fyese për mua të mendoni që po e çaj rrugën drejt të vërtetës duke kërcënuar njerëz”,- u shpreh Tahiri.
Ish-ministri komentoi dhe reagimin e ambasadës amerikane e cila e quajti shkurajues vendimin e gjykatës, duke marre parasysh akuzat.
“Nuk besoj se në Amerikë ekziston ndonjë ambasadë që ta bëjë këtë që ambasada e tyre bë këtu. Nuk ka presion më të madh se sa ky ndaj drejtësisë”, deklaroi Tahiri.
.Kur u pyet a ka marrë mesazh nga Edi Rama pas gjyqit, ai tha se duhet pyetur ai vetë, por shtoi se do ta vazhdojë i vetëm rrugës e drejtësisë.
