Ai është një personazh, që në sy dhe në vëmendje bie me stilin e tij, dhe pse detyra e tij si deputet në Parlamentin e Shqipërisë nuk duket të jetë fort arma e tij më e mirë.
Kujtim Gjuzi, pas stilit të prerjes së flokëve, tanimë ka informuar ndjekësit e tij në rrjetet sociale për angazhimet e tjera të tij. Deputeti është duke bërë një udhëtim në Itali këto dite duke marrë pjesë në disa konferenca dhe takime të ndryshme.
Gjuzi njofton përmes Facebook-ut të tij se ka mbajtur një ligjeratë ndaj një audience të konsiderueshme në ishullin Iskia në Itali duke i detyruar italianët ta përkthejnë nga shqipja në Italisht.
“E mbarova ligjëratën time shqip dhe vetëm shqip. I detyrova organizatorët të bëjnë përkthim”, shkruan Gjuzi duke postuar nga hoteli me veshjen e tij dhe celularin e famshëm që nuk mund të mos bien në sy.
