Një shofere në Shtetet e Bashkuara të Amerikës është habitur kur ka gjetur grua në bagazhin e makinës së saj.
Ngjarja e çuditshme ndodhi në Kentucky, ku shoferja ndaloi në një karburant për të furnizuar makinën, por vuri re se bagazhi nuk ishte i mbyllur plotësisht.
Teksa e hapi, ajo pa se brenda ndodhej një tjetër grua. Shoferja telefonoi policinë por gruaja doli qetësisht nga bagazhi dhe u largua më këmbë. Forcat e policisë fillimisht dyshuan se gruaja që ndodhej në bagazh po tentonte t’i shpëtonte ndonjë situatë pengmarrje, pasi kishte edhe plagë në trup. Por kur panë kamerat e sigurisë vunë re se ajo ishte lënduar teksa kishte ecur mes pyjeve e më pas u fut me vullnetin e saj në bagazhin e makinës.
Motivet mbeten ende të paqarta.
