Një shqiptar 47 vjeçar është arrestuar nga policia italiane, pasi akuzohet se ka kërcënuar dhe dhunuar në vazhdimësi ish-gruan e tij.
Shqiptari ka bërë edhe dje të njëjtën gjë ku ka dhunuar jo vetëm ish-gruan e tij por edhe shoqëruesin e saj të cilin ka nisur ta kërcënojë me vdekje.
Shqiptari nuk është mjaftuar vetëm me kërcënimet.
Ai ka marrë një shufër hekuri dhe me ndihmën e dy bashkëatdhetarëve të tij, ka filluar të godasë shoqëruesin e ish-gruas së tij.
Çifti ka bërë menjëherë denoncim në polici, ndërkohë që shqiptari dhunues u arrestua mbrëmjen e djeshme në një bar në qendër të qytetit.
Shqiptari u dërgua në burgun e Astit, ndërsa fëmija i çiftit tashmë të ndarë iu besua xhaxhait të nënës së tij.
