Sot ishte parashikuar që të startonte gjyqi në Shqipëri për Arbër Çekajn, i cili akuzohet si i dyshuar për trafikimin e 613 kg kokaine, që u gjetën në një trajler në magazinat e ‘Arbri Garden’ në Maminas, por seanca është shtyrë.
Mediat raportojnë se shkak i shtyrjes është bërë fakti se ende nuk ka mbërritur letërporosia për marrjen në dijeni të Çekajt, për nisjen e procesit gjyqësore ne vendin tonë.
Mësohet se në sallë mungonte edhe avokati i Arbër Çakajt, Maks Haxhia, ndërsa seanca e radhës u la për në 30 shtator, në orën 10:30.
