Pas disa denoncimesh dhe bërje publike të provave, ka ardhur reagimi i Mark Babanit, i cili ka folur lidhur me akuzat e PD.
Sekretari i PD Gazmend Bardhi publikoi dokumente, në bazë të së cilave Mark Babani është arrestuar në Itali për vjedhje makinash.
Babai ka dhënë versionin e tij, duke u shprehur se PD bën deklarata të rreme vetëm që të prishë imazhin e tij. Ai thotë se Gazmend Bardhi ka bërë shpifje dhe se ka aktivizuar avokatët.
“Unë jam i gatshëm që të shkoj në Prokurori dhe të jap shenjat e gishtave. Normalisht ata do sajojnë që të më ulin imazhin. Më 4 prill 1994 kam qenë në hotel dhe kam qenë në punë. Unë në jetën time nuk kam qenë kurrë as i arrestuar dhe as i ndaluar nga policia, kurrë. Kam aktivizuar avokatët e mi, që të bëjnë padi për shpifje ndaj Gazmend Bardhit”, tha Babani.
