Dy shqiptarë kanë përfunduar në prangat e policisë italiane nën akuzën e shitjes së lëndëve narkotike.
Fatjon Sulçaj, 32 vjeç dhe Arjon Hasanaj, 25 vjeç, mbanin lëndët narkotike brenda shtëpisë së tyre, dhe më pas e shpërndanin në qendër të qytetit Caltagirone.
Ata ishin vënë nën vëzhgim nga karabinierët, të cilët ruanin nga vilën ku jetonin shqiptarë dhe më pas është ndërmarrë aksioni i kontrollit në shtëpinë e tyre.
Fat i keq për dy shqiptarët ishte kontributi i dhënë nga dy “karabinierë” të veçantë: Zero dhe Athos, dy qen me hundën e tyre të pagabueshme.
Gjatë kontrollit, të shtrirë edhe në kopsht dhe makinat në përdorim, u gjetën dhe u sekuestruan 3 gramë kokainë, 7 gram marijuanë dhe 215 gram ketaminë, një peshore precize dhe material të nevojshëm për paketimin e dozave.
Gjithashtu, policia sekuestroi pothuajse 7 mijë euro në kartëmonedha, që vijnë nga veprimtaria e paligjshme.
Të dy shqiptarët u arrestuan, ku Sulcaj u la prapa hekurave në burgun Caltagirone, ndërsa Hasanaj u vendos nën arrest shtëpiak.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
