Për pak sa nuk ndodhi një tragjedi, por fatmirësisht, ndërhyrja e një prej banorëve te zonës e shmangu një gjë të tillë.
Bëhet fjalë për zjarrin që përfshiu katin e tretë të një pallati në Fushë Krujë dhe që rrezikoi sëriozisht jetën e 4 fëmijëve të cilët u asfiksuan.
Ka qëne një banor ai që ka nxjerrë jashtë godinës së amortizuar katër fëmijë. Ai ka treguar se si hyri në godinën në flakë.
“Rreth orës 7:00 shikoja njerëzit që po shikonin lart në katin e tretë dhe u bëra kurioz. Kur dal jashtë dhe shikoj tym. Ngjitem në katin e tretë dhe shikoj 4 fëmijë shtrirë, ishin asfiksuar. Theva derën dhe i nxora. Të flas është diçka e kotë sepse mua më janë dëmtuar tre hyrje. Realitetin se sa shpejt kanë ardhur dhe sa shpejt po e fikin, urdhëro ja ku e ke vetë realitetin. Nuk dilnin as njerëzit, i kam nxjerrë me shkelma”, tha banori për BW.
