Sekretari i përgjithshëm i PD-së, Gazment Bardhi ka bere nje tjeter deklarate për Mark Babanin, duke i kujtuar atij fatin e të gjithe kriminelëve.
Teksa ka shkuar në Shkodër, ai ka folur lidhur për hetimet me Babanin. Bardhi shprehet se të gjithë kriminelët sipas tij do të largohen nga pushteti.
“Edhe Valdrin Pjetri fillimisht e mohoi por më pas u detyrua të pranonte ajo që garantoj është që PD në momentin që bën denoncim publik ka arritur të sigurojë të gjithë informacionin e nevojshëm që vërteton denoncimin që bën. Nëse ai hesht siç ka heshtur gjatë orëve të pasdites unë do i përgjigjem me dokumentacionin përkatës në ditët në vijim. Nga e hena nëse Babani nuk do të flasë se çfarë i kujton data 4 prill 1994, ne do t’ia bejmë publike shqiptarëve këtë dhe dosjen e plotë që disponojmë për të”, ka thene Bardhi.
Ai ndodhej në Shkodër në kuadër të zgjedhjes së strukturave drejtuese të degës dhe krijimit të bordeve të brendshme. Sa i takon vijimsisë së aksionit opozitar, Bardhi informoi që javën e ardhshme pritet të mblidhen strukturat e partisë.
