Ilir Haxhijaj nga fshati Nepërbisht i Suharekës akuzohet për vdekjen e bashkëshortes së tij, H.D nga Rahoveci.
Por Prokuroria Themelore në Prizren e ka cilësuar ngjarjen si “lëndim I rende trupor”, duke shkaktuar reagime të forta në opinionin publik. Pikerisht, sepse Prokuroria nuk ka bere asnje ekspertize mjeko-ligjore per ta cilesuar te tille dhe as nga ndonje Gjykate nuk ka vendim.
Si ndodhi ngjarja?
Haxhijaj pas një mosmarrëveshje me bashkëshorten e tij, tashmë të ndjerën H.D ka ndaluar veturën dhe me forcë e ka nxjerrë jashtë dhe ka filluar ta sulmojë fizikisht duke e grushtuar nëpër të gjitha pjesët e trupit.
Në aktakuzën që KTV ka publikuar shkruhet “Kur viktima është rrëzuar në asfalt të rrugës sipas prokurorisë i dyshuari ia kap kokën dhe disa herë e godet për asfalti, ku si rrjedhojë i shkakton lëndime të rënda dhe trauma të shumëfishuara ne kokë , gjoks, shpine e duar, nga të cila goditje më vonë vdes në QKUK në Prishtinë më 15 qershor”.
Aktakuza gjithashtu përfshin edhe dëshminë e njërit prej fëmijëve të çiftit i cili thotë se vdekja e nënës kishte ardhur si pasojë e sulmit fizik nga babai, sepse nëna e tij, kishte qenë me vite e keqtrajtuar.
Familja e viktimës ka angazhuar edhe avokat sipas të cilit vlerësimi si lëndim trupor e jo si vrasje është i pakuptimtë, ndërkohë Haxhiaj ndodhet në paraburgim qe prej Qershorit.
