Në mënyrë të mistershme u zhduk kapiteni i jahtit të biznesmenit turk, Sevgin Yavuz. Zhdukja e tij, ka alarmuar dhe familjarët, të cilët kanë reaguar së fundmi.
Për mediet turke gruaja e shqetësuar e kapitenit Sevgin Yavuz, Vesile Yavuz ka thënë se kërkon ndihmën e shtetit për gjetjen e burrit të saj.
Vesile Yavuz: Unë dua ndihmë nga shteti. Unë dua që burri im të kthehet. Vajza ime po pyet për babanë e saj dhe unë nuk mund t’i them asgjë.
Nga ana tjetër, miliarderi turk Nedim Akyuz, tregoi për telefonatën e fundit me kapitenin, duke shtuar se i kishte thënë se nuk kishte valë dhe se sapo kishte hyrë në Durrës.
Nedim Akyuz, ka këmbëngulur se kapiteni i jahtit në dijeninë e tij nuk kishte asnjë problem dhe nuk rezulton të ketë rekorde të mëparshme kriminale.
Pronari i jahtit është përplasur më prokurorinë e Lezhës, pasi kërkon rikthimin e mjetit lundrues, duke shtuar se për të harxhon miliona për ta mirëmbajtur.
Vetë prokuroria vazhdon ende hetimet dhe së fundmi ka çuar për ekspertizë celularin e Sevgin Yabuz, personi që mendohet i zhdukur, me shpresën se do të mund të gjejë të dhëna për të mësuar më shumë rreth fatit të tij.
