Bota mund t’i shpëtojë urisë dhe njerezit që jetojnë në varfêri mund të mbijetojnë. Bëhet fjalë për një frut ekzotik, që ka shijen e mishit të derrit. “Artocarpus heterophyllus” ose xhekfruit, rritet vetëm në jug dhe juglindje të Azisë.
Ai ka një peshë që varion 4.5-45 kg, teksa përmban qindra fara, të cilat janë shumë të pasura me kalcium, proteina, hekur dhe potasium.
Ekspertët thonë se mjafton një frut i vetëm, që të ushqejë për një vakt një familje të tërë. Ata mendojnë se një frut i tillë mund të zëvendësojë shumë mirë grurin dhe misrin, që po kërcënohen nga ndryshimet klimaterike.
Kjo pemë rritet kollaj, u mbijeton parazitëve, sëmundjeve, temperaturave të larta, dhe është rezistente ndaj thatësirës.
Fruti është shumë i përdorur në Indi dhe Bangladesh, vende që kanë shumë njerëz të varfër. Por Britania e Madhe, po bën përpjekje ta fusë atë nëpër marketet e saj, për të zëvendësuar mishin e derrit.
Një pemë e pjekur xhekfruit, mund të prodhojë rreth 100-200 fruta në një vit.Në vitin 2017, India prodhoi 1.4 milion ton xhekfruit, e pasuar nga Bangladeshi, Tajlanda dhe Indonezia. Xhekfruit është gjithashtu një përbërës i rëndësishëm në kuzhinën aziatike.
