Djali i çiftit që vdiqën mbremjen e djeshme, është sjellë në QSUT, pasi ishte në gjendje të rëndë psikologjike. I riu pasi pa mamanë e tij të mbuluar në gjak pas masakrës që kishte kryer i ati, kaloi në gjendje shoku.
Ai nuk ka mundur të shkojë as në ceremoninë funerale të prindërve të tij që u bë pasditen e djeshme. Çiftin e ka përcjellë drejt banesës së fundit e bija dhe të afërm të tjerë.
Po ashtu mësohet se edhe ajo ishte në gjendje mjaft të rënduar psikologjike. Deri më tani dyshohet se ka qenë xhelozia motivi që e ka shtyrë 53-vjeçarin për t’i marrë jetën gruas së tij.
Daut Gjokola qëlloi disa herë me thikë mbi trupin e bashkëshortes së tij 49 vjeçare. Në shtëpi në momentin e krimit ndodhej edhe djali 26 vjecar i bashkëshortëve, i cili nuk ka dëgjuar debatin e tyre. Vetëm kur dëgjoi britmat e së ëmës 26 vjecari shkoi në dhomë ku e gjeti nënën e tij të mbuluar në gjak. Pak minuta me pas, Dauti u vetëhodh nga banesa duke gjetur vdekjen e menjëhershme.
