34-vjeçari, Juxhin Kulla, ka dhene dëshminë e tij lidhur me ngjarjen e ndodhur dje në qytetin e Korçës, pasi i shpëtoi atentatit. Aai zbuloi se pasi të dëgjoi të shtënat, dëgjoi zhurmën e largimit të një automjeti. Ai theksoi se nuk ka probleme me ndonjë person të veçantë, por me organin e policisë.
‘Sapo dilja nga banesa në momentin që kam dëgjuar të shtenat. Dëgjova një automjet që u largua me shpejtësi dhe xhirim në drejtim të fshatit Barc . Nuk pashë asgjë tjetër. Nuk kam probleme me askënd. Problemet e vetme që kam janë me policinë prej ditës që unë jam dhunuar prej tyre. Është qëlluar disa herë drejt katit të dytë të banesës. Nuk kam konflikt me asnjë person. Këtë e them me siguri”, deklaroi 34-vjeçari Kulla.
Ai u bë i njohur për mediat dhe publikun 3 vite më parë, kur u ndalua nga efektivët e Seksionit të Lëndëve Narkotike. Kulla rrëfeu atë kohë se është dhunuar barbarisht në ambjentet e komisariatit të Korçës, pasi efektivët e akuzonin se trafikonte kokainë.
Juxhin Kulla ka kryer dënimin prej 8 vitesh në Burgun e Drenovës, teksa iu gjetën 5.6 gramë kokainë në makinën e tij.
“Jam goditur teksa isha me pranga nga shefi i Antidrogës dhe një vartës i tij. Nuk më dhanë arsye, por më thoshin: Trego kush shet drogë, duam emra. Sa herë u thosha nuk di gjë, më godisnin më tepër, deri sa e panë që më kishin masakruar fytyrën. Atëherë ndaluan”, shprehej para 3 vitesh Kulla.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
