Ish-deputeti i PD, Tritan Shehu paralajmëron përmes një mesazhi në “facebook”, se memoriali turk, i cili u thye nga persona të paidentifikuar në orët e para të mëngjesit të sotëm, do të krijojë vetëm probleme për kryeministrin Edi Rama.
“Vetem probleme do te krijoje…dhe keto nuk do te mund te tejkalohen duke e kaluar pergjegjesine nga nje dore te tjetra si nje “patate e nxehte””, shkruan Shehu.
Mesazhi i Tritan Shehut:
“Memoriali” i servilizmit e vasalitetit, “patate” e nxehte per Ramen. Futja ne spiralen e vasalitetit e kondicionimit te con gjithmone e me thelle ne iracionalitet e probleme nga kushtezimet.
Kjo po i ndodh Rilindjes me gabimet trashanike, vasalitetet e servilizmat (shpesh te ekzagjeruara edhe si te tilla keto) ne politiken e jashteme qe prej 2013, sic eshte dhe rasti i ketij “Memoriali” ilegal ne Tirane, per dicka qe nuk ka asnje lidhje me vendin tone.
Vete qenia ne vite e nje Ministri te jashtem me pafundesi gabimesh, apo te rikatueshem ne detyre si kreu i listes se te “pa deshiruarve”, qe perfundoi me “koken” e tij si Ali Pasha dikur, do te perkeqesonte zhvillimet, per te arritur sot ne “dekapitimin” e vete Diplomacise sone.
Keshtu kesaj tabloje te zymte ju shtua dhe ky “Memorial”, per te cilin kerkohen e duhen dhene shpjegime te qarta opinionit tone publik, por dhe partnereve, per qellimin e mesazhet jo transparente, ligjeshmerine e veprimeve etj. Ndryshe vetem probleme do te krijoje…dhe keto nuk do te mund te tejkalohen duke e kaluar pergjegjesine nga nje dore te tjetra si nje “patate e nxehte”.
