Për të mos e ndarë Shqipërinë nga Maqedonia e Veriut, ku të dyja shtetet presin përgjigjen për hapjen e negociatave, ministri Lleshaj është përpjekur të barazojë ecurinë e reformave mes dy vendeve.
Ministri i Brendshëm Sandër Lleshaj thotë se rajoni nuk mund të ndahet. E ndërsa në Maqedoninë e Veriut përfundoi pas prangave Prokurorja Speciale për korrupsion, Lleshaj thotë se edhe në Shqipëri është në ndjekje ish-prokurori i Përgjithshëm, duke ju referuar Adriatik Llallës. Keshtu, sipas logjikes se ministrit, as Shqipëria nuk duhet të ngelet prapa, pasi ka të njëjtën ngjarje si Maqedonia e Veriut.
Lleshaj: Edhe në Shqipëri është në ndjekje ish-prokurori i Përgjithshëm. Nuk dua ta ngatërroj vizitën e Ministrit me çështjet politike.
Deklaratat Lleshaj i bëri nga Pusteci ku pati një takim me homologun e tij maqedonas, Oliver Spasovski.
