Ministria e Mbrojtjes lajmëron se pas zjarreve që kanë rënë në zonën e Delvinës dhe të Finiqit, ka dërguar drejt vendngjarjes 6 zjarrfikëse dhe 70 punonjës për të shuar flakët.
“Gjashtë mjete zjarrfikëse të MZSH nga Delvina, Saranda dhe Gjirokastra dhe 70 punonjës të MZHSH janë angazhuar në operacionin për shuarjen e zjarrit në Finiq.
Sipas informacioneve të deritanishme raportohet për vetëm 2 shtëpi, të brakstisura prej më shumë se 15 vjetësh, të dëmtuara nga zjarri, shumë larg qendrave të banuara”, thuhet në njoftimin e Ministrisë së Mbrojtjes.
Situata po ndiqet me vëmendje nga Ministri i Mbrojtjes, Prefekti, Emergjencat Civile. Ne gatishmëri në rast ndërhyrje janë efektivët e FA në Detashmentin e Mbrojtjes Rajonale të Gjirokastrës. Për momentin, situata është tërësisht nën kontroll.
