Gjermanët duket se do të bëhen ndërmjetësues të krizës së radhës politike në Shqipëri, e cila nisi që prej muajit shkurt kur opozita dogji mandatet.
Të paktën kështu lexohet vizita e fundit në Tiranë e numrit dy të partisë së kancelares Angela Merkel. Katja Leikert, ndonëse kishte mbërritur me ftesë të fondacionit Konrad Adenauer, zhvilloi takime me palët politike në Shqipëri; Presidentin Ilir Meta, kryeministrin Edi Rama dhe kreun e opozitës Lulzim Basha.
Takimet u zhvilluan pa praninë e mediave dhe duket se kishin për qëllim të masnin pulsin e palëve për dialog. Shtatori dhe e gjithë vjeshta rezervon zhvillime të vrullshme në Shqipëri. Mbërrin ambasadorja e re e SHBA-së, ngrihen SPAK, Byroja e Hetimit dhe Gjykata Kushtetuese.
Kjo e fundit do të vendosë edhe për fatin e zgjedhjeve lokale të 30 qershorit, zgjedhje të cilat opozita dhe presidenti i konsideron të paligjshme.
