Fondacioni financiar “Besa” ka qenë në lupën e organeve të hetimet, ndërsa dje, shtatë punonjës të këtij fondacioni përfunduan pas hekurave. Ata dyshohen se në bashkëpunim me njëri tjetrin, arritën të përfitonin me skemën e kredive fiktive shumën prej 3,7 mln euro.
Ditën e sotme, ata dolën para togave të zeza për t’u njohur me masën e sigurisë. Gjykata e Tiranës la në burg katër prej tyre, ndërsa për dy të tjerë u caktua masa e sigurisë “arrest shtëpie”
Arrest me burg: Albana Imami, Blertina Kanani, Mihal Hanxhari, Orkida Driza, A. A.me rolin ndërmjetësues për gjetjen e personave për kredi fiktive, i cili aktualisht është me masë sigurie “Arrest në burg” pasi ka aksidentuar me vdekje një person.
Arrest shtëpie: Matilda Domi dhe Esmeralda Vaso
Drejtoresha e filialit të fondacionit “Besa”, Albana Imami ka pranuar para gjykatës se ka dhënë kredi fiktive, ndërsa këtë veprim, ajo e ka argumentoi me faktin se nuk ka qenë fare e vetëdijshme për veprimet që po kryente. Punonjësit e tjerë kanë hedhur akuza të forta ndaj drejtoreshës, ndërsa thanë se kreditë i kanë firmosur me urdhër të saj. Matilda Domi, njëra nga punonjëset e arrestuar tha se ka firmosur rreth 40 kredi dhe këtë e ka bërë me urdhër të drejtoreshës.
“Kam firmosur 35 deri ne 40 kredi që mendoj se janë fiktive po mi ka urdhëruar drejtoresha”-pohoi ajo.
Orkida Driza e dyshuar në rolin e sekseres ka theksuar së është mashtruar dhe ajo do të bashkëpunojë me organet e prokurorisë.
“Jam e mashtruar do bashkëpunoj me prokurorinë. Për çdo person që sillja me jepnin 20 mijë lekë të vjetra. Kam futur të gjithë fëmijët e mi”-tha ajo. Nga ana tjetër, Mihal Hanxhari, shtoi se e ka kuptuar skemën mashtruese të fondacionit “Besa” dhe për këtë kishte kërkuar dorëheqjen.
“Kam kuptuar skemën dhe kam kërkuar dorëheqjen para tre muajsh”- shtoi ai.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
