Së fundmi qeveria ka ndërmarrë një aksion të ashtuquajtur “antiinformalitet”, duke goditur dhjetëra biznese në kulmin e sezonit turistik.
Kryeministri Edi Rama e quajti këtë risi dhe kusht per te garantuar konkurrencën në treg, por kritikët nuk e kanè përqafuar fort mënyrën sesi po ushtrohet aksioni.
Një prej tyre është dhe ish-ministri Ylli Manjani. Ai shkruan se fundmi, se pas aksionit fshihet diçka tjetër.
“Kush mendon se yxhymi që ka marrë qeveria kundër bisneseve është për kuponin tatimor është naiv, ose militant.
Është sulm i pastër i një grupi bisnesesh kundër një grupi tjetër. Është larje hesapesh me duart e shtetit.
Ky i fundit nuk ka lidhje më me ligjin, as me interesin publik. Me kulturën tatimore jo e jo”,-shkruan Manjani.
