Një shpërndarës droge me shtetësi shqiptare, i cili po vuan dënimin me 30 muaj heqje lirie, ka pranuar se arsyeja pse shiste kokainë ishte “sepse anglezët e duan”.
Rrjeti prestigjioz britanik “BBC” raporton se shqiptari, R.Toska, 21 vjeç, u burgos në muajin korrik pasi iu gjet një sasi kokaine që kushtonte £850, dokumenta të falsifikuara në sajë të të cilave kishte hyrë në Britani ilegalisht.
Hyrja në territorin britanik ishte kryer përmes një kamioni, në dhjetor të 2018-ës, dhe në Sëavesey, Cambridgeshire, ku qendronte me banim, përdorte një patentë me identitetin italian, Maurizio Conti.
Gjatë dhënies së dëshmisë, Toska ka deklaruar për policët: “Shes kokainë sepse anglezët e duan kokainën.”
Ai ka treguar se kishte paguar £8,000 për të hyrë në Britani dhe për të shlyer borxhin kishte pranuar të punonte si shpërndarës droge.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
