5 ditë nga kërkesë-padia e opozitës, Sektori i Dekriminalizimit në Prokurorinë e Përgjithshme nis procedurat ligjore ndaj Valdrin Pjetrit.
Kryetari i ri i Bashkisë Shkodër, i zgjedhur nga zgjedhjet lokale të 30 Qershorit, akuzohet nga opozita se është person me precedent penal. Për këtë arsye, ata i kanë dorëzuar një kërkesë organit të akuzës, ku kërkojnë verifikimin e së shkuarës së kryebashkiakut.
Sektori i dekriminalistikës do të kryejë verifikimet përkatëse dhe do të dalë në një vendim.
I gjithë procesi duket se do të mbetet për në shtator, pasi insitucioni i prokurorisë është zyrtarisht me pushime. Pritet që prokuroria të nisë verifikimin duke dërguar dhe letër-pororsi në shtetin fqinj, ku Pjetri akuzohet se ka qenë i dënuar për trafik droge.
Partia Demokratike i ka kërkuar Prokurorisë së Përgjithshme të verifikojë pa vonesë pastërtinë e figurës së Valdrin Pjetrit, i cili u regjistrua në votime si kandidat i PS-së për Bashkinë e Shkodrës.
