Disa aksidente kanë ndodhur në Itali, ku viktima kanë mbetur 3 shqiptarë brenda një fundjave.
Dorian Myftaraj 24 vjeç e Ruzhdi Karreci 34 vjeç kanë humbur jetën në akisdentin rrugor në territorin e Villorba në provincën e Trevizos. Automjeti i tyre tij tip “Volksawagen Golf” është përplasur dhunshëm për motive ende të paqarta me murin ndarës të një kantieri rrugor. Dy shqiptarët kanë mbetur viktimë në vendngjarje.
Ndërsa në aksidentin tjetër në Iskia 16 vjeçari Xhemal Velsami, i cili kishte mbërritur në Itali si turist për të takuar motrën e tij që jetonte në Itali, ndërroi jetë.16 vjeçari shqiptar u aksidentua ndërsa po ecte në këmbë. Një automjet i drejtuar nga një 40 vjeçare italiane e ka aksidentuar për vdekje e asnjë shenjë frenimi nuk është verifikuar në vendin e ngjarjes.
Ndërkohë ka patur dhe aksidente pa viktima. 5 emigrantë shqiptarë u aksidentuan me makinë në provincën e Casertas ndërsa ktheheshin nga puna. 3 prej tyre janë në gjendje të rëndë shëndetësore në spital.
Një tjetër aksident rrugor por pa viktima është shënuar në provincën e Trevizos në komunën San Vendemaino. Një automjet i drejtuar nga një grua ka aksidentuar në vijat e bardha, nënën shqiptare S.S 36 vjeçe, djalin e saj S.A 8 vjeç dhe shokun e djalit K.E 8 vjeç. Për fat të mirë janë jashtë rrezikut për jetën.
