Ish-ministri Ylli Manjani nuk është dakord me aksionin që qeveria ka ndërmarrë kundër bizneseve në mes të sezonit veror.
Teksa policia ndërhyn në mes të plazheve, me aksione të panjoftuara, Manjani e krahason me një veprim të policisë komuniste.
“Sistemi komunist kishte vetëm një mjet për të kryer punë: POLICINË.
Dhe normale ishte sepse asokohe skishte as pushtet tjetër të pavarur nga partia-shtet, por as organe të tjera si Tatime apo Bashki, polici e inspektoriate.
Por sot ku i gjen ligjet pushteti që uedhëron policinë të pastrojë plazhet, të nxjerrë njerz nga shtëpitë e tyre, të bllokojë biznese, të urdhërojë sekuestro llogarish bankare, të mos njohë akte zyrtare e noteriale?!
Skenat e dhunës ndaj bizneseve, të gjitjë me leje dhe me investime të tyre në plazhet e Ksamilit ishin tipike sjellje të policisë komuniste!
Disa prej atyre plazheve nuk kanë ekzistuar fare, por i ka krijuar privati me shumë mund e para në vite.
Edhe nëse do ishin pa leje do të duhej të sqaronte situatën Bashkia dhe policia bashkiake, jo policia e shtetit!
Cilin ligj zbatoi dje Policia e (pu)shtetit?!E kuptoj që sot sundojnë komuniatët e rinj, por ligjet ende janë të sistemit demokratik.
E kuptoj që këta nuk pyesin më për ligje, por të paktën mos na hapin barkun me propagandë se “po bëjnë shtet” dhe, shqetësohen për kushtetutën.Neokomunistë janë dhe snjohin as shtet, as pronë, as zgjedhje, as liri e as demokraci!”,-shkruan Manjani.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
