Thuhet se një herë të paktën në jetën tonë do të takojmë sozinë që kemi. Kjo i ka ndodhur dhe aktores së njohur të humorit Rudina Dembacaj prej shumë kohësh drejton emisionin e saj “Mos I fol shoferit”.
Çfarë ka tërhequr vëmendje është një foto e postuar në Instastoryn e aktores. Me anë të një fotoje dyshe, ku shfaqet vetë Rudina dhe një vajzë e quajtur Adelina, ajo na ka njohur me sozinë e saj. Vajza në fjalë ka vërtetë një ngjashmëri të pabesueshme me Rudinën.
Është po i njëjti vështrim, e njëjta buzëqeshje, çdo tipar përputhet në mënyrën më të mirë të mundshme, madje dhe pozicioni në foto është i njëjtë. Aktorja e humorit në mbishkrimin e fotos është treguar modeste duke thënë se ndonëse Adelina është më e bukur, ato të dyja ngjajnë shumë.
