Taiwan Center në Tiranë është bllokuar mbrëmjen e djeshme nga inspektorët e Hetimit Tatimor Qendër.
Shiriti i tatimorëve është vendosur në kafenenë e qendrës, restoranteve dhe kazinosë.
Vendimi është marrë pasi është konstatuar për herë të dytë se nuk jepej kuponi tatimor, sikurse lajmëron Erion Braçe në Instagram.
Bllokimi i Taiwan Center vjen në kuadër të aksionit të gjerë antiformalitet që ka nisur në të gjithë vendin.
Dje raportohet se u gjobit edhe ‘Rogner’ në Tiranë, një prej hoteleve më të njohura, për shkak se nuk kishte lëshuar kupon tatimor për të gjitha dhomat.
