Ardhja e saj në Kosovë gëzoi gjithë fansat e jo vetëm. Miley Cyrus është këngëtare me famë botërore e njohur qysh prej serialit “Hannah Montana”, nga e cila u bë e famshme që fëmijë. Dua Lipa e ftoi kengetaren në Kosovë dhe Miley e pranoi ftesën teksa shprehej shumë me entuziazëm.
Cyrus me të mbërritur në Kosovë ka bërë gjestin e veçantë, gje që padyshim ka gëzuar të gjithë. Në një konferencë të mbajtur sot në Prishtinë, këngëtarja nga Kosova me famë ndërkombëtare Dua Lipa ndër të tjera ka shpalosur edhe shumën që këngëtarja e njohur botërore Miley Cyrusi ka ndarë për festivalin Sunny Hill Festival.
“Miley Cyrus ka ndarë 25 mijë dollarë për fondacionin që do të shkojnë për bamirësi”, ka deklaruar Lipa.
Gjithashtu ajo ka pohur se mes tyre mund të ndodhë edhe një bashkëpunim në muzikë.
Ndryshe, Miley Cyrus, Calvin Harris, Gashi si dhe shumë artistë të tjerë vendor dhe ndërkombëtar do perfomojnë në parkun e Gërmisë.
