Meta ofron alternativat për zgjidhjen e krizës, propozon emrin e Presidentit të ri: Jap dorëheqjen nëse…

Kreu i Shtetit, Ilir Meta ka theksuar dhe njëherë sot se në rast se zgjedhjet nuk do të zhvillohen në 13 tetor, atëherë sipas tij Shqipëria nuk ka asnjë shans që t’i hapen negociatat nga Bashkimi Europian.

Presidenti i vendit Ilir Meta, gjatë konferencës për media, para nisjes së pushimeve,po jep alternativën e tij për zgjidhjen e krizës në vend, që sipas tij rrezikon përshkallëzimin.

Meta i ka bërë thirrje kryeministrit që të lejojë zhvillimin e zgjedhjeve, madje Presidenti tha se ishte i gatshëm të jepte dorëheqjen nga posti i tij.

Presidenti tha se në rast se Rama do të donte të Ilir Meta të jepte dorëheqjen nga ky post, ai do ta bënte por me kushtin që në vendin e tij të zgjidhej si President Rexhep Meidani.

“Do të jetë kosto serioze në pikëpamjen ligjore, por është penalizmi i sigurt, 101 % për çeljen e negociatave të Shqipërie në tetor. Kjo do të ishte një goditje e madh e gjithë perspektives europiane, që është vonuar këto 3 dekada.Presidenti është dhe më i hapur, nuk ka frikë nga vota e shqiptarëve, që në rast se do kryeministri të lerë dhe detyrën e Presidentit, gjithmonë duke konkurruar në 13 tetor, por me një kusht që në këtë zyrë të vij një person me shumë integritet dhe që ka qenë në këtë zyrë dhe që ka provuar që mbrojtja e interesit kombëtar, pra të jetë profesor Rexhep Meidani”, tha Meta.

/DRONI.al/