Në spitalin Rajonal të Fierit po paraqiten edhe banorë të zonës të pickuar nga zvarranikë dhe insekte. Vetëm javën e fundit janë regjistruar 6 raste nga pickimi i merimangës së zezë, duke e çuar në total në 9 numrin e personave të pickuar gjatë sezonit.
Mjeku toksikolog, Lulezim Banushaj, i cili ka asistuar pacientët, shton se javën e fundit janë paraqitur edhe 4 raste të personave të kafshuar nga nepërka dhe gjarpri, duke e çuar në 6 numrin e personave të kafshuar nga zvarranikët gjatë kësaj vere.
Rastet në fjalë kanë ardhur nga zonat e Cakranit, Mallakastra, apo Roskoveci, ku fermerët në këtë periudhë janë të ekspozuar për shkak të punëve në bujqësi.
Mjekët thonë se të gjithë personat e pickuar nga merimanga dhe zvarranikët i kanë shpëtuar rrezikut nga vdekja, pasi kanë mbërritur shpejt në spital.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
