Ambasadori i BE-së në vendin tonë Luigi Soreca ka deklaruar se Teatri Kombëtar tashmë është çështje delikate dhe politizuar, ndërsa ka devijuar në dhënien e një qëndrimi nga ana e tij, duke ia lene përgjegjësinë autoriteteve.
“Ashtu siç e dini pozicioni për këtë çështje ka qenë i qartë prej muajsh. Kjo është një çështje shumë e rëndësishme. Teatri Kombëtar tashmë është çështje delikate dhe politizuar. BE i ka bërë thirrje qeverisë që tenderimi të jetë i rregullt. Nuk mund të themi asgjë, është çështje e autoriteteve. “, u shpreh Soreca.
Sipas tij, ligji dhe sundimi i shtetit ligjor është parimi që duhet të udheheqë autoritetet shqiptare.
“Është lancuar tender, janë kritere të qartë dhe transparente për këtë projekt dhe po ashtu të ketë një qasje të drejtë dhe të ndershme në lidhje me këtë cështje. Për ne, sic e thashë, është e rëndësishme të respektohet sundimi i ligjit. Procedurat e tenderit të jenë në përputhje me ato të BE, tenderi është i hapur deri në shtator, e rëndësishme është cështja e konkurrencës së lirë dhe të drejtë dhe ai të jetë i hapur deri në 19 shtator”- tha ai.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
