Lideri demokrat Lulzim Basha ka folur dhe për median e njohur Courrier des Balkans, idhur me Teatrin Kombëtar.
Në artikull, Basha flet për ndërmarrjen Fusha shpk. Basha shprehet se ajo i përket një familje të lidhur me një rrjet ndërkombëtar të trafikut të drogës operacionet e të cilit në Spanjë u çmontuan nga policia në vitin 2018.
Artikulli shkruan lidhur me planet e qeverisë për ta shkatërruar, si dhe i ka bërë një mbulim gjithë protestës dhe rezistencës së artistëve.
”Të mërkurën, më 24 korrik në agim, qindra policë rrethuan Teatrin Kombëtar për të siguruar prishjen e objektit. Para tyre qëndronin aktivistët e Aleancës së Mbrojtjes e Teatrit, i cili pengoi fillimin e punimeve, me mbështetjen e anëtarëve të opozitës.Disa njerëz u plagosën në përleshjet e dhunshme dhe policia u tërhoq në mbrëmje vonë.
Që nga shkurti 2018, përfaqësues të shoqërisë civile, intelektualëve dhe artistëve po mobilizohen kundër zhdukjes së Teatrit Kombëtar, që konsiderohet si një nga bizhuteritë historike dhe pjesë e trashëgimisë kulturore të Tiranës.
Kryeministri Edi Rama dhe kryetari i bashkisë së Tiranës Erion Veliaj, të dyja nga Partia Socialiste, deklaruan se do të vazhdonin këtë projekt.
Nëse punimet në fakt ndodhin, Fusha sh.pk, Kompania që fitoi kontratën PPP të Teatrit, do t’i jepet toka publike me vlerë 150 milionë euro në këmbim ndërtimi i teatrit të ri, kostoja e të cilit vlerësohet në 30 milionë euro.
Për të vërtetuar këtë projekt, qeveria e Edi Rama miratoi një ligj të posaçëm, i cili bie në kundërshtim me disa Nenet e Kushtetutës. Presidenti Ilir Meta e çoi këtë ligj në Gjykatën Kushtetuese, por nuk ka qenë aktive për një vit. Sekretari i Përgjithshëm i OSBE-së, Thomas Greminger, në një vizitë në Tiranë, i ka kërkuar të dyja palëve të presin për një vendim të mundshëm të kësaj gjykate.
Skandali i Teatrit Kombëtar nuk është një konflikt i thjeshtë lokal. Ai u bë një skandal i madh, i cili simbolizon krizën aktuale politike.
Gjithashtu, kreu i Partisë Demokratike (PD), Lulzim Basha ka shprehur të mërkurën se ky projekt ishte vetëm një rast i madh për pastrimin e parave. Kompania Fusha sh.pk i takon një familje të lidhur me një rrjet ndërkombëtar të trafikimit të drogës, operacionet e të cilit u çmontua nga policia në vitin 2018″,-shkruhet ne artikull.
