Policia e Shtetit ka reaguar dhe njëherë në lidhje me raportimin e sotëm në media, se një vajzë e mitur vetëm 8 vjeçe është tentuar të përdhunohet nga grup djemsh.
Në shumë prej reagimeve, policia e shtetit akuzohej se e kishte mbajtur te fshehte ngjarjen prej disa javësh. Uniformat blu shprehen se ngjarja është keqpërdorur mediatikisht. Nga policia thonë se për shkak të karakterit delikat të ngjarjes, nuk dëshirohet publikimi i identitetit të vajzës së dyshuar të abuzuar.
Policia sqaron se më datë 4 korrik, nëna e vajzës ka bërë denoncim sipas të cilës një javë më herët vajza e saj është mashtruar nga dy minorenë të lagjes ku banon ajo dhe më pas kanë kryer vepra të turpshme.
“Si rezultat i veprimeve të kryera, më datë 05.07.2019, është bërë ndalimi i një të mituri, i moshës 16 vjeç, ndërsa një i mitur tjetër i dyshuar si autor në këtë ngjarje është nën moshën e përgjegjësisë penale dhe është ndjekur në gjendje të lirë”, sqaron Policia e Shtetit.
Më herët, policia lokale bënte me dije se është ndaluar 16-vjeçari me inicialet A.R, ndërkohë që është proceduar 13 vjeçari me iniciale N.K.
Ndryshe nga policia, organi i Prokurorisë përveç se thotë se është regjistruar një procedim penal, deklaron: “Nuk janë të sakta njoftimet e përhapura në media lidhur me këtë çështje, sipas akteve të administruara nuk ka ndodhur dhe nuk është tentuar të kryhet vepra penale e “Marrëdhënieve seksuale me të mitur”, thuhet në njoftim.
Njoftimi i policisë:
Policia e Shtetit
Nisur nga keqpërdorimi mediatik i ngjares së ndodhur më datë 4 korrik 2019, në Durrës, ku dy të mitur kanë kryer vepra të turpshme më një shtetase të mitur dhe se Policia ka fshehur ngjarjen, sqarojmë opininon publik se:
Në datë 04.07.2019, pranë Komisariatit të Policisë Durrës është paraqitur dhe ka bërë kallëzim një shtetase, e cila ka shpjeguar se rreth një javë më parë vajza e saj është gënjyer nga dy shtetas po të mitur, banorë të lagjes, të cilët kanë kryer vepra të turpshme.
Për sqarimin e rrethanave të kësaj ngjarjeje, Policia e Durrësit menjëhetë ka kryer të gjitha veprimet e nevojshme hetimore, duke e marrë në pyetje vajzën në prani të psikologes dhe nënës së saj, si dhe është komunikuar me prokuroren e gatshme pranë Prokurorisë së Rrethit Gjyqësor Durrës.
Si rezultat i veprimeve të kryera, më datë 05.07.2019, është bërë ndalimi i një të mituri, i moshës 16 vjeç, ndërsa një i mitur tjetër i dyshuar si autor në këtë ngjarje është nën moshën e përgjegjësisë penale dhe është ndjekur në gjendje të lirë.
Në lidhje me këtë ngjarje me impakt në publik dhe me pasoja për shtetasen e mitur dhe familjarët e saj, Policia e Shtetit ka shmangur në maksimum publikimin e këtij rasti, duke e lënë shkurt e pa detaje në Ëebin zyrtar:
Në këtë kuadër Policia e Shtetit kërkon mirëkuptimin e medias që të shmangë sa të jetë e mundur publikimin e të dhënave personale të vajzës së mitur apo detaje rreth ngjarjes.
Policia e Shtetit është e angazhuar dhe e përkushtuar në shërbim të qytetarëve dhe në luftë pa kompromis kundër paligjshmërisë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
